Class 5 Assamese 1st Unit Test Solved Question Paper. Class 5 Assamese book Question Answer
১। 'অসম আমাৰ ৰূপহী' কবিতাটোৰ প্ৰথম ৮ শাৰী মুখস্থ লিখি কবিগৰাকীৰ নাম লিখা। ১০
উত্তৰ👉👉
অসম আমাৰ ৰূপহী, গুণৰো নাই শেষ
ভাৰতৰে পূৰ্ব দিশৰ সূৰ্য উঠা দেশ ।
গোটেই জীৱন বিচাৰিলেও
অলেখ দিৱস ৰাতি
অসম দেশৰ দৰে নেপাওঁ
ইমান ৰসাল মাটি ।
চিৰ বিনন্দীয়া তোমাৰ সেউজ পৰিৱেশ
ভাৰতৰে পূৰ্ব দিশৰ সূৰ্য উঠা দেশ ।
কবিগৰাকীৰ নাম - ড° ভূপেন হাজৰিকা ।
২। উত্তৰ লিখা । ৮
(ক) শৰৎ নিশাই আইৰ কেশ কিহেৰে সজায় ?
উত্তৰ👉👉 শৰৎ নিশাই আইৰ কেশ তৰাৰে সজায় ।
(খ) ড° ভূপেন হাজৰিকাই 'আই' বুলি কাক সম্বোধন কৰিছে ?
উত্তৰ👉👉 ড° ভূপেন হাজৰিকাই 'আই' বুলি জন্মভূমি অসম দেশক সম্বোধন কৰিছে ।
(গ) সর্বধনু ৰজাৰ প্রিয় খাদ্য কি আছিল ?
উত্তৰ👉👉 সর্বধনু ৰজাৰ প্রিয় খাদ্য আছিল চৰাইৰ মঙহ ।
(ঘ) মধুকৰে বিয়া কৰোৱা ছোৱালীজনীৰ নাম কি ?
উত্তৰ👉👉 মধুকৰে বিয়া কৰোৱা ছোৱালীজনীৰ নাম আছিল মাধৱী ।
(ঙ) অৰূপে পঢ়া স্কুলখনৰ নাম কি ?
উত্তৰ👉👉 অৰূপে পঢ়া স্কুলখনৰ নাম হ'ল - নৱজ্যোতি আদৰ্শ প্ৰাথমিক বিদ্যালয় ।
(চ) আৱেদনক আৰু কি বুলি কয় ?
উত্তৰ👉👉 আৱেদনক 'দৰ্খাস্ত' বুলিও কোৱা হয় ।
(ছ) 'পিঠাৰ মেল' পদ্যটোৰ কবিজনাৰ নাম লিখা ।
উত্তৰ👉👉 'পিঠাৰ মেল' পদ্যটোৰ কবিজনাৰ নাম হ'ল - অতুল চন্দ্ৰ হাজৰিকা ।
(জ) খোলাচাপৰীয়া পিঠাক কোনে কি বুলি সম্বোধন কৰিছিল ?
উত্তৰ👉👉 খোলাচাপৰীয়া পিঠাক চুঙা পিঠাই 'বাই' বুলি সম্বোধন কৰিছিল ।
৩৷ ড° ভূপেন হাজৰিকাই অসমৰ পৰিৱেশ কেনেকুৱা বুলি কৈছে লিখা ।
উত্তৰ👉👉 ড° ভূপেন হাজৰিকাই অসমৰ পৰিৱেশ চিৰ বিনন্দীয়া আৰু সেউজ পৰিৱেশ বুলি কৈছে ।
৪৷ মধুকৰে সর্বধনুক কেনেদৰে সহায় কৰিছিল ? ৩
উত্তৰ👉👉
৫৷ স্কুলত অনুপস্থিত থাকিলে কাৰ জৰিয়তে কালৈ আৱেদন কৰিব লাগে ? ৩
উত্তৰ👉👉 স্কুলত অনুপস্থিত থাকিলে শ্ৰেণী শিক্ষক বা শিক্ষয়িত্ৰীৰ জৰিয়তে প্ৰধান শিক্ষক মহোদয়লৈ আৱেদন কৰিব লাগে ।
৬৷ বাক্য ৰচনা কৰা । (যিকোনো পাঁচটা) ৫
কীট-পতংগ, লালন-পালন, পাঁতি, পাটী,
বিনন্দীয়া, শ্ৰদ্ধা, সমাৱেশ
উত্তৰ👉👉
কীট-পতংগ = কীট-পতংগ বিলাকে খেতিডৰা নষ্ট কৰি পেলাইছে ।
লালন-পালন = মধুকৰে ৰজা সৰ্বধনুক চৰাইজাকক ভালদৰে লালন-পালন কৰিবলৈ কৈছিল ।
পাঁতি (শাৰী অৰ্থত) = তামোলৰ পুলিবোৰ পাঁতি পাঁতিকৈ ৰুৱা ।
পাটী (ঢাৰি বা পাটী) = পাটীত বহি কণমইনাই সাধু শুনি আছে ।
বিনন্দীয়া = সেউজীয়া প্ৰকৃতিৰ পৰিৱেশে অসমক বিনন্দীয়া কৰিছে ।
শ্ৰদ্ধা = জ্যেষ্ঠজনক সদায় শ্রদ্ধা আৰু সন্মান কৰিব লাগে ।
সমাৱেশ = অসম দেশৰ দৰে মধুৰ ৰূপৰ সমাৱেশ ক'তো পোৱা নাযায় ।
৭৷ বিপৰীত অৰ্থবোধক শব্দ লিখা ।(যিকোনো পাঁচটা) ৫
আৰম্ভণি, ভাল, উচিত, অনুপস্থিত,
পুৰস্কাৰ, বন্ধু, অমংগল
উত্তৰ👉👉
আৰম্ভণি = শেষ
ভাল = বেয়া
উচিত = অনুচিত
অনুপস্থিত = উপস্থিত
পুৰস্কাৰ = তিৰস্কাৰ
বন্ধু = শত্ৰু
অমংগল = মংগল
৮৷ তলত দিয়া ঠাইবোৰ ক্ৰিয়াপদৰে পুৰোৱা - ৪
(ক) যোৱাবেলি আমি বনভোজ খাবলৈ……. ৷
উত্তৰ👉👉 গৈছিলো ।
(খ) আমাৰ লগত ছাৰ বাইদেউ সকলো …… ৷
উত্তৰ👉👉 গৈছিল ।
(গ) বাটত তেখেতসকলে আমাক ভাল ভাল কথা….।
উত্তৰ👉👉 কৈছিল ।
(ঘ) মাজে মাজে আমি গান …….. ৷
উত্তৰ👉👉 গাইছিলো ।
৯৷ যুক্তাক্ষৰ ভাঙি দুটাকৈ শব্দ গঠন কৰা।
৪
ব্জ, গ্ব, ন্ব, ক্ব
উত্তৰ👉👉
ব্জ = ব + জ = অব্জ, কুব্জ
গ্ব = গ + ব = দিগ্বিজয়, দিগ্বিদিগ্
ন্ব = ন + ব = অন্বেষণ, অন্বেষা
ক্ব = ক + ব = পক্বান্ন, পক্ব
১০৷ এটা শব্দত প্ৰকাশ কৰা - ৪
(ক) যি শিক্ষাদান কৰে -
উত্তৰ👉👉 শিক্ষক
(খ) যি ৰোগীক চিকিৎসা কৰে -
উত্তৰ👉👉 চিকিৎসক
(গ) যি ভাষা চৰ্চা কৰে -
উত্তৰ👉👉 ভাষা-বিজ্ঞানী
(ঘ) একে সময়তে হোৱা -
উত্তৰ👉👉 সমসাময়িক
No comments:
Post a Comment