Class 8, Social science, Assamese midium, lesson 1, questions answer👉 অষ্টম শ্ৰেণীৰ সমাজ বিজ্ঞান কিতাপখনৰ পাঠ-১, অতিৰিক্ত প্ৰশ্নোত্তৰ

Class 8, Social science, Assamese midium, lesson 1, questions answer

👉 অষ্টম শ্ৰেণীৰ সমাজ বিজ্ঞান কিতাপখনৰ পাঠ-১, অতিৰিক্ত প্ৰশ্নোত্তৰ 

     🌖 উত্তৰ লিখা : (পৃষ্ঠা - ১১)

💕 (১) প্ৰাকৃতিক সম্পদ বুলিলে কি বুজা ? 10

উত্তৰ👉👉 মানুহৰ কামত অহা প্ৰকৃতিৰ সকলো উপদানকেই প্ৰাকৃতিক সম্পদ বুলি ক'ব পাৰি । মাটি, পানী, বতাহ, খনিজ পদাৰ্থ, উদ্ভিদ, বন্যপ্ৰাণী আদি প্ৰকৃতিৰ অমূল্য অৱদান । এই আটাইবোৰেই মানুহৰ বাবে অতি উপযোগী সম্পদ ।

💕 (২) ব্যৱহাৰযোগ্য ভূমি সম্পদৰ চাহিদা দিনক দিনে কিয় বাঢ়িছে ? 

উত্তৰ👉👉 বৰ্তমানে এহাতে জনসংখ্যা বৃদ্ধি আৰু আনহাতে অর্থনৈতিক প্ৰতিযোগিতাৰ ব্যৱহাৰযোগ্য মাটিৰ চাহিদা দিনক দিনে বাঢ়ি গৈছে । জনসংখ্যা বৃদ্ধি হোৱাৰ বাবে ভূমিৰ প্ৰয়োজনো অধিক বেছি হৈ পৰিছে । জনসংখ্যা বঢ়াৰ লগে লগে ব্যৱসায়-বাণিজ্য, উদ্যোগ, ৰাস্তা-ঘাট আদিৰো প্ৰসাৰ ঘটে আৰু ইয়াৰ ফলতেই মাটিৰ চাহিদা দিনক দিনে বাঢ়ি আহিছে ।

     🌖 উত্তৰ লিখা : (পৃষ্ঠা - ১৩)

💕 (১) ভূমিৰ গঠন কেনেদৰে হয় ? 10

উত্তৰ👉👉 শিলত হোৱা বিচূৰ্নীভবনৰ ফলত ধৰাৰ উপৰিভাগত তুলনামূলক কোমল ভূমিৰ এক তৰপৰ সৃষ্টি হয়। ভূমি গঠনৰ এনে ভূতাত্বিক প্ৰক্ৰিয়াত এক-ছেন্টিমিটাৰ মানৰ ডাঠ ভূমিৰ এটা তৰপ গঠন হ'বলৈ বহু শ বছৰৰ প্ৰয়োজন হয়। ভূমিৰ গঠন আৰু ভূমিৰ অৱক্ষয় দুয়োটাই কালক্ৰম অনুসাৰে চলি থাকে ।

💕 (২) কি কি কাৰণত ভূমিৰ অৱক্ষয় হয় ? 

উত্তৰ👉👉 বিভিন্ন কাৰণত মাটিৰ স্বাভাৱিক বৈশিষ্ট্য, গুণাগুণ আৰু গাঁথনি বিনষ্ট হৈ মাটিৰ অৱক্ষয় ঘটে । অপৰিকল্পিত কৃষি কাৰ্য, ঔদ্যোগীকৰণ, অৰণ্য, ঘাঁহনিৰ অত্যধিক ব্যৱহাৰ আদিৰ ফলত মাটিৰ গুণাগুণৰ পৰিৱৰ্তন ঘটে । কৃষিক্ষেত্ৰত ৰাসায়নিক সাৰ, কীটনাশক দ্ৰব্য আদি বেছি পৰিমাণে প্ৰয়োগ কৰাৰ ফলত মাটি প্ৰদূষিত হয় । খেতি পথাৰত গঢ়ি উঠা ইটা-ভাটাৰ দৰে উদ্যোগবোৰেও ভূমিৰ অৱক্ষয় সাধন কৰে ।

💕 (৩) ভূমি সংৰক্ষণ কৰিব পৰা ব্যৱস্থাসমূহ কি কি ? 12

উত্তৰ👉👉 ভূমিৰ অৱক্ষয় ৰোধ কৰা আৰু ভূমি সংৰক্ষণৰ বাবে ল'ব পৰা ব্যৱস্থা কেইটামান হ'ল - 

(১) মাটিৰ গুণাগুণ সাপেক্ষে ঘাঁহ-বন আৰু বৃক্ষৰোপণ কৰা ।

(২) পৰিৱেশ অনুকূল কৃষি পদ্ধতি প্ৰয়োগ কৰা ।

(৩) উচ্চভূমি অঞ্চলত বেদিকা (Terrace) পদ্ধতিৰে খেতি কৰা হয় ।

(৪) জধে-মধে গছ কটা আৰু পাহাৰৰ মাটি কটা বন্ধ কৰা ।

(৫) কৃষিক্ষেত্ৰৰ চৌপাশে শাৰী শাৰীকৈ উপকাৰী গছ-গছনি ৰোপণ কৰা ।

(৬) ব্যৱহাৰ নোহোৱাকৈ পৰি থকা মাটিত বৃক্ষৰোপণ কৰা ।

      🌒 ক্ৰিয়াকলাপ : (পৃষ্ঠা - ১৩)

💕 (১) তোমাৰ অঞ্চলত গৰাখহনীয়া, ভূমিস্খলন আদি কেতিয়াবা হৈছেনে ? যদি হৈছে পৰ্যবেক্ষণ কৰি লিখা ।     

              (শিক্ষকৰ সহায় ল'বা) 

উত্তৰ👉👉 ( শ্ৰেণী শিক্ষকৰ সহায়ত কৰিবলৈ চেষ্টা কৰিবা)

     🌒 ক্ৰিয়াকলাপ : (পৃষ্ঠা - ১৪)

💕 (১) ব্যৱহাৰযোগ্য নিৰ্মল পানীৰ অভাৱ হোৱাৰ কাৰণ কি ? 13

উত্তৰ👉👉 ব্যৱহাৰযোগ্য নিৰ্মল পানীৰ অভাৱ হোৱাৰ মূল কাৰণটো হ'ল - জনসংখ্যা বৃদ্ধি । জনসংখ্যা বৃদ্ধিৰ ফলত পানীৰ ব্যৱহাৰ যথেষ্ট পৰিমাণে বাঢ়িছে । সেই অনুপাতে ব্যৱহাৰযোগ্য পানীৰ যোগান বঢ়া নাই । বিদ্যুৎ শক্তি আহৰণৰ বাবেও জল সম্পদ বহু পৰিমাণে ব্যৱহৃত হয়। পানীৰ উৎসসমূহ প্ৰদূষিত হ'বলৈ ধৰাৰ বাবেও ক্ৰমে ব্যৱহাৰযোগ্য পানীৰ অভাৱ হ'বলৈ ধৰিছে ।

💕 (২) কি কি ব্যৱস্থা হাতত ল'লে পানীৰ প্ৰদূষণ কমাব পাৰি ? 

উত্তৰ👉👉 পানীৰ প্ৰদূষণ কমাবলৈ ল'বলগীয়া ব্যৱস্থাসমূহ হৈছে -

(ক) খেতি কৰোতে ব্যৱহাৰ কৰা ৰাসায়নিক সাৰ, কীটনাশক দ্ৰব্য আদিৰ ব্যৱহাৰ হ্ৰাস কৰা ।

(খ) কল-কাৰখানাৰ পৰা নিৰ্গত হোৱা 

আৱর্জনাসমূহ , বিষাক্ত দ্ৰৱসমূহ পানীত বা নদ-নদীত পেলোৱাত বাধা প্ৰদান কৰা।

(গ) নদ-নদী, খাল-বিল, পুখুৰী আদিত লেতেৰা কাপোৰ ধোঁৱা, গৰু-ম'হ আদি ধোৱা কাৰ্য বন্ধ কৰা ।

        🌒 ক্ৰিয়াকলাপ : (পৃষ্ঠা - ১৪)

💕 (১) পানী সংৰক্ষণৰ বাবে আৰু কি কি ব্যৱস্থা গ্ৰহণ কৰিব পাৰি দলত আলোচনা কৰি লিখা । 14

উত্তৰ👉👉 পানীৰ সমস্যা দূৰ কৰিবলৈ হ'লে আমি পানী সংৰক্ষণৰ প্ৰতি সচেতন হ'ব লাগিব । পানী সংৰক্ষণৰ কেইটিমান ব্যৱস্থা হ'ল - 

(ক) পানীৰ প্ৰদূষণ ৰোধ কৰাৰ বাবে ব্যৱস্থা গ্ৰহণ কৰিব লাগিব ।

(খ) বৃক্ষৰোপণত মনোনিৱেশ কৰিব লাগে।

(গ) কৃষিক্ষেত্ৰত জলসিঞ্চন কৰোতে প্ৰয়োজনতকৈ বেছি পানী ব্যৱহাৰ কৰিব নালাগে । ৰ'দৰ উত্তাপ কম থকা সময়ত পানী দিলে বাষ্পীভৱন কম হয় ।

(ঘ) বৰষুণৰ পানী সংগ্ৰহ কৰি সেই পানী নানা কামত ব্যৱহাৰ কৰিব পাৰি ।

(ঙ) মুকলি ঠাইৰ পানীত বাষ্পীভৱনৰ মাত্ৰা বেছি হয় । গছ-গছনি ৰোপণৰ দ্বাৰা 

বাষ্পীভৱনৰ মাত্ৰা কমাব পাৰি ।

        🌑 ক্ৰিয়াকলাপ : (পৃষ্ঠা - ১৬)

💕 (১) বনজ সম্পদ আমি কিয় সংৰক্ষণ কৰিব লাগে ? 

উত্তৰ👉👉 বনজ সম্পদ আমি সংৰক্ষণ কৰিব লাগে কাৰণ আমি আমাৰ দৈনন্দিন জীৱনত প্ৰয়োজনীয় বাঁহ, কাঠ, খৰি, কেঁচামাল, ঔষধি উদ্ভিদ আদি বননিৰ পৰাই পাওঁ । লিখিবলৈ ব্যৱহাৰ কৰা কাগজখিলাও আমি বনজ সম্পদৰ পৰাই আহৰণ কৰো। ঠিক তেনেদৰে আমি উশাহত লোৱা অক্সিজেন উদ্ভিদৰ পৰাই পাওঁ । উদ্ভিদে বন্যপ্ৰাণীক আশ্ৰয় প্ৰদান কৰে, মাটি সংৰক্ষণত সহায় কৰে , ভূ-গৰ্ভৰ জল বৃদ্ধিত সহায় কৰে, গোলকীয় উত্তাপ হ্ৰাস কৰে । বনজ সম্পদ সমূহৰ সংৰক্ষণ বৰ্তমান সময়ত অতি প্ৰয়োজনীয় হৈ পৰিছে । কাৰণ বৰ্দ্ধিত জনসংখ্যাৰ বাবে পৃথিৱীত গছ-গছনি, বন্যপ্ৰাণী আৰু অৰণ্যৰ পৰিমাণ কমি গৈছে। জধে-মধে অৰণ্য আৰু বনাঞ্চল ধ্বংস কৰাৰ ফলত বতৰৰ অস্বাভাৱিক পৰিবৰ্তন ঘটিছে । এনেধৰণৰ গুৰুতৰ সমস্যাৰ পৰা পৰিত্ৰাণ পাবলৈ আমি বনজ সম্পদ সংৰক্ষণ কৰিব লাগে ।

💕 (২) তুমি থকা ঠাইখনৰ বনজ সম্পদবোৰ চিনাক্ত কৰি তাৰ এখন তালিকা কৰা । এইবোৰক বিনষ্ট হোৱাৰপৰা ৰক্ষা কৰিবলৈ কি কি ব্যৱস্থা হাতত ল'বা ? 

উত্তৰ👉👉 (তোমালোকে নিজে কৰিবলৈ চেষ্টা কৰিবা)

        🌒 ক্ৰিয়াকলাপ : (পৃষ্ঠা - ১৪)

💕 (১) শক্তি সম্পদ মানে কি ? 16

উত্তৰ👉👉 যিবোৰ সম্পদৰ পৰা শক্তি আহৰণ বা উৎপাদন কৰিব পাৰি তেনেবোৰ সম্পদকেই শক্তি সম্পদ বুলি কোৱা হয়। শক্তি সম্পদক দুই ভাগত ভাগ কৰিব পাৰি, ভাগদুটা হ'ল - (ক) পৰম্পৰাগত শক্তি আৰু

(খ) অপৰম্পৰাগত শক্তি 

💕 (২) জীৱাশ্ম ইন্ধনসমূহ চিৰদিন একে পৰিমাণে নথকাৰ কাৰণ কি ? ১৭

উত্তৰ👉👉 জীৱাশ্ম ইন্ধনসমূহ চিৰদিন একে পৰিমাণে নথকাৰ কাৰণ হ'ল - জীৱাস্ম ইন্ধনসমূহ হৈছে পৰম্পৰাগত শক্তি সম্পদ । জীৱাশ্ম ইন্ধনসমূহ সৃষ্টি হ'বলৈ বহু নিযুত বছৰৰ প্ৰয়োজন হয় । জীৱাশ্ম ইন্ধনসমূহৰ ব্যাপক ব্যৱহাৰৰ ফলত এইবোৰৰ পৰিমাণ দ্ৰুত গতিত কমি আহিছে । জীৱাশ্ম ইন্ধনসমূহৰ মিতব্যয়ী ব্যৱহাৰ আৰু ভৱিষ্যতৰ বাবে সংৰক্ষণ কৰিব লাগিব ন'হলে ভূগর্ভত সঞ্চিত হৈ থকা জীৱাশ্ম ইন্ধনৰ ভঁৰাল শূণ্য হৈ পৰিব ।

       🌒 উত্তৰ লিখা : (পৃষ্ঠা - ১৯)

💕 (১) পৰম্পৰাগত শক্তি বুলিলে কি বুজা ? 16

উত্তৰ👉👉পৰম্পৰাগত শক্তি সম্পদ হ'ল অতীজৰে পৰা পৰম্পৰাগতভাৱে ব্যৱহাৰ কৰি অহা শক্তি সম্পদ । অতীজৰপৰা জুই জ্বলাবলৈ ব্যৱহাৰ কৰি অহা খৰি আৰু অন্যান্য জীৱাশ্ম ইন্ধনবোৰেই হ'ল পৰম্পৰাগত শক্তিৰ উৎস ।

💕 (২) শক্তিৰ বিকল্প হিচাপে অপৰম্পৰাগত শক্তি কিয় গুৰুত্বপূৰ্ণ ? 

উত্তৰ👉👉 শক্তিৰ বিকল্প হিচাপে অপৰম্পৰাগত শক্তি অতি গুৰুত্বপূৰ্ণ কাৰণ জীৱাশ্ম ইন্ধনসমূহ অত্যাধিক ব্যৱহাৰৰ ফলত দ্ৰুত গতিত কমি আহিছে । জীৱাশ্ম ইন্ধনসমূহ অত্যাধিক ব্যৱহাৰৰ ফলত প্ৰদূষণৰ সৃষ্টি হৈছে । অপৰম্পৰাগত শক্তি সমূহ হৈছে প্ৰদূষণ মুক্ত, নিৰাপদ , পৰিষ্কাৰ লগতে উৎপাদনৰ খৰচো বহুত কম । অপৰম্পৰাগত শক্তি সম্পদ সমূহ ব্যৱহাৰ কৰি থাকিলেও শেষ হৈ নাযায় । 

💕 (৩) শক্তি সম্পদ কিয় সংৰক্ষণ কৰিব লাগে ?

উত্তৰ👉👉 শক্তি সম্পদ সমূহ সংৰক্ষণ কৰিবলৈ আমি সদায় চেষ্টা কৰিব লাগে কাৰণ শক্তি সম্পদে আমাক শক্তিৰ যোগান ধৰে । যাৰ ফলত আমাৰ দেশৰ উন্নতি আৰু বিকাশ সাধন হয় । শিল্প উদ্যোগ, কৃষি, পৰিবহণ আদি সকলোতে শক্তি সম্পদৰ প্ৰয়োজনীয়তা আছে । বৰ্দ্ধিত জনসংখ্যাৰ চাহিদা পূৰ কৰিবলৈকে আমি শক্তি সম্পদ সংৰক্ষণ কৰাটো অতিকৈ প্ৰয়োজন অন্যথা ভৱিষ্যতে আমাৰ বিপদ হ'ব পাৰে ।