✅ অনুশীলনী : 💕
💕 (১) পৰীক্ষাগাৰৰ তাপমেতা আৰু জ্বৰ জোখা তাপমেতাৰ সাদৃশ্য আৰু পার্থক্যসমূহ উল্লেখ কৰা । (৩৬-৩৮)
উত্তৰ👉👉 পৰীক্ষাগাৰৰ তাপমেতা আৰু জ্বৰ জোখা তাপমেতাৰ সাদৃশ্যসমূহ -
(ক) দুয়োটা তাপমেতা কাঁচেৰে নিৰ্মাণ কৰা হয় ।
(খ) পৰীক্ষাগাৰৰ তাপমেতা আৰু জ্বৰ জোখা তাপমেতাৰ বাল্বটোত পাৰা থাকে ।
(গ) দুয়োটাতে ছেলছিয়াছ স্কেলৰ দাগ কটা হয়।
পাৰ্থক্যসমূহ হ'ল -
(ক) জ্বৰ জোখা তাপমেতাৰ সহায়ত মানুহৰ শৰীৰৰ উষ্ণতা জোখা হয় কিন্তু পৰীক্ষাগাৰৰ তাপমেতাৰ সহায়ত পৰীক্ষাগাৰ সমূহত বিভিন্ন উষ্ণতা জোখা হয়।
(খ) জ্বৰ জোখা তাপমেতাৰ সহায়ত ৩৫°C ৰ পৰা ৪২°C লৈ উষ্ণতা জুখিব পাৰি । কিন্তু পৰীক্ষা গাৰৰ তাপমেতাৰ সহায়ত - ১০°C ৰ পৰা ১১০°C লৈ উষ্ণতা জুখিব পাৰি ।
💕 (২) তাপৰ পৰিবাহী আৰু অপৰিবাহী বস্তুৰ দুটাকৈ উদাহৰণ দিয়া । (৪১)
উত্তৰ👉👉 তাপৰ পৰিবাহী = এলুমিনিয়াম, লো আৰু তাম
👉 তাপৰ অপৰিবাহী = প্লাষ্টিক আৰু কাঠ
✅ (৩) খালী ঠাই পূৰ কৰা :
💕 (ক) কোনাে এটা বস্তুৰ উত্তাপ ইয়াৰ ------------ দ্বাৰা নির্ণয় কৰা হয় । (৩৬)
উত্তৰ👉👉 উষ্ণতাৰ
💕 (খ) উতলা পানীৰ উষ্ণতা ----------- তাপমেতাৰে জুখিব নােৱাৰি । (৩৬)
উত্তৰ👉👉 জ্বৰজোখা
(উতলা পানীৰ উষ্ণতা জ্বৰজোখা তাপমেতাৰে জুখিব নােৱাৰি কাৰণ জ্বৰ জোখা তাপমেতাৰ দ্বাৰা ৩৫ ℃ ৰ পৰা ৪২ ℃ লৈ উষ্ণতা জুখিব পাৰি ।)
💕 (গ) ডিগ্ৰী --------- এককত উষ্ণতা জোখা হয় । (৩৭)
উত্তৰ👉👉 ছেলছিয়াছ
💕 (ঘ) ----------- প্রক্রিয়াৰে তাপৰ সঞ্চালনত মাধ্যমৰ প্ৰয়ােজন নহয় । (৪৫)
উত্তৰ👉👉 বিকিৰণ
💕 (ঙ) এখন চেঁচা ষ্টীলৰ চামুচ গৰম গাখীৰৰ পিয়লাত ডুবাই ৰখা হৈছে । ই ----------- প্রক্রিয়াৰে আনটো মূৰলৈ তাপ সঞ্চালিত কৰে ।
উত্তৰ👉👉 পৰিবহণ
💕 (চ) পাতল ৰঙৰ বস্ত্ৰতকৈ ----------- ৰঙৰ বস্ত্ৰই অধিক তাপ শোষণ কৰে । (৪৫)
উত্তৰ👉👉 গাঢ়
✅ (৪) তলৰ বাক্যবোৰ মিলোৱা :
উত্তৰ👉👉
(ক) স্থলবতাহ বলে 👉 (ঘ) ৰাতি
(খ) জলবতাহ বলে 👉 (গ) দিনত
(গ) গাঢ় ৰঙৰ বস্ত্ৰ পচন্দ কৰা হয় 👉 (খ) শীতকালত
(ঘ) পাতল ৰঙৰ বস্ত্ৰ পচন্দ কৰা হয় 👉 (ক) গ্ৰীষ্মকালত
✅ (৫) শীতকালত মাত্ৰ এখন ডাঠ কাপোৰৰ সলনি একাধিক তৰপৰ কাপোৰ পিন্ধিলে আমাৰ শৰীৰ কিয় বেছি গৰম হৈ থাকে আলোচনা কৰা।
উত্তৰ👉👉 শীতকালত মাত্ৰ এখন ডাঠ কাপোৰৰ সলনি একাধিক তৰপৰ কাপোৰ পিন্ধিলে কাপোৰৰ তৰপ বিলাকৰ মাজত বায়ুৰো তৰপৰ সৃষ্টি হয়। যিহেতু আমি জানো যে বায়ু হ'ল তাপৰ কুপৰিবাহী । যাৰ ফলত আমাৰ শৰীৰৰ উষ্ণতা বায়ুৰ তৰপ সমূহ পাৰ হৈ বাহিৰৰ শীতল অঞ্চললৈ ওলাই যাবই নোৱাৰে। সেইবাবে আমাৰ শৰীৰটো একাধিক তৰপৰ কাপোৰ পিন্ধিলে গৰম হৈ থাকে।
💕 (৬) তলৰ চিত্ৰ ৪.১৩ টো লক্ষ্য কৰা। পৰিবহন, পৰিচলন আৰু বিকিৰণ প্ৰক্ৰিয়াৰে তাপ সঞ্চালিত হোৱা স্থানবোৰ চিহ্নিত কৰা ।
উত্তৰ👉👉 (চিত্ৰ ৪.১৩) পৃষ্ঠা - ৪৬ ত কিতাপখনত দিয়া আছে চাই পেলাই স্থানবোৰ চিহ্নিত কৰি ল'বা।
💕 (৭) উষ্ণ জলবায়ুৰ অঞ্চলৰ ঘৰবোৰৰ বহিঃবেৰত বগা ৰং দিবলৈ পৰামৰ্শ দিয়া হয়। বাখ্যা কৰা।
উত্তৰ👉👉 উষ্ণ জলবায়ুৰ অঞ্চলৰ ঘৰবোৰৰ বহিঃবেৰত বগা ৰং দিবলৈ পৰামৰ্শ দিয়া হয় কাৰণ বগা ৰঙে তাপ শোষণ নকৰে। বৰঞ্চ তাক প্ৰতিফলিতহে কৰে। ফলত ঘৰৰ ভিতৰৰ উষ্ণতা অত্যধিক বৃদ্ধি নাপায় ।
💕 (৮) ৩০°C ত থকা এক লিটাৰ পানী ৫০°C ত থকা এক লিটাৰ পানীৰ লগত মিহলি কৰা হ'ল। মিশ্রণৰ উষ্ণতা হ’ব -
(ক) ৮০°C
(খ) ৫০°C ত কৈ বেছি কিন্তু ৮০°C তকৈ কম
(গ) ২০°C
(ঘ) ৩০°C আৰু ৫০°C ৰ মাজত
উত্তৰ👉👉 (ঘ) ৩০°C আৰু ৫০° C ৰ মাজত
💕 (৯) মগ এটাত থকা ৪০°C উষ্ণতাৰ পানীত ৪০°C উষ্ণতাৰ লোৰ বল এটা ডুবাই দিয়া হ’ল । তাপ -
(ক) লােৰ বলৰপৰা পানীলৈ সঞ্চালিত হ’ব ।
(খ) লােৰ বলৰপৰা পানীলৈ সঞ্চালিত নহয় বা পানীৰ পৰাও লােৰ বললৈ সঞ্চালিত নহয় ।
(গ) পানীৰ পৰা লােৰ বললৈ সঞ্চালিত হ'ব ।
(ঘ) দুয়ােৰে উষ্ণতা বৃদ্ধি হ'ব ।
উত্তৰ👉👉 (খ) লােৰ বলৰপৰা পানীলৈ সঞ্চালিত নহয় বা পানীৰ পৰাও লােৰ বললৈ সঞ্চালিত নহয় ।
💕 (১০) আইছ ক্রীমেৰে পূৰ্ণ কাপ এটাত কাঠৰ চামুচ এখন ভৰাই থােৱা হৈছে । চামুচখনৰ আনটো মূৰ -
(ক) পৰিবহণ প্রক্রিয়াৰে চেঁচা হ’ব ।
(খ) পৰিচলন প্রক্রিয়াৰে চেঁচা হ’ব ।
(গ) বিকিৰণ প্ৰক্ৰিয়াৰে চেঁচা হয় ।
(ঘ) চেঁচা নহয় ।
উত্তৰ👉👉 (ঘ) চেঁচা নহয় ।
💕 (১১) নিষ্কলংক তীখা (stainless steel) ৰ কেৰাহীৰ তলিভাগ সাধাৰণতে তামেৰে নির্মিত হয় । ইয়াৰ কাৰণ হৈছে -
(ক) তামৰ তলিয়ে কেৰাহীৰ আয়ুস বঢ়ায়।
(খ) কেৰাহীটো দেখাত ৰং বিৰঙৰ হয় ।
(গ) নিষ্কলংক তীখাতকৈ তাম অধিক পৰিবাহী ।
(ঘ) নিষ্কলংক তীখাতকৈ তাম চাফা কৰা সুবিধাজনক ।
উত্তৰ👉👉 (গ) নিষ্কলংক তীখাতকৈ তাম অধিক পৰিবাহী ।
No comments:
Post a Comment